Бөлүмдөр
Бейшемби, 24-май
Нарын

Нарында М.Баетовдун 115 жылдыгына арналган сынактын жеңүүчүлөрү аныкталды (фото)

Turmush -  Нарын райондук маданият үйүндө обончу М.Баетовдун 115 жылдыгына арналган жеке аткаруучулардын сынагы жыйынтыкталды, деп билдирет аймактык кабарчы.

Маалым болгондой, аталган сынакка райондун айылдарынан тандалып келген 8 аткаруучу катышты. Сынактын катышуучулары обончу жана аткаруучу М.Баетовдун обондуу ырларын чеберчилик менен аткарышып, көрүүчүлөрдүн купулуна толушту. Сынактын жыйынтыгында биринчи орунду алган Дөбөлү айылынын тургуну Кененбаев Канатбекке бир жарым миң сом, 2-3-орунду алган Орто-Саз айылынын тургуну Алмазбек кызы Айпери 800 сом акчалай сыйлык жана тиешелүү даражадагы дипломдор менен сыйланышты. Ал эми, Он-Арча айылынын тургуну Токтобеков Кыпчак, Кеңеш айылынын тургуну Абакиров Бердикожо, Орто-Нура айылынын тургуну Жумагулова Мунара, Жылан-Арык айылынын тургуну Токтокыдырова Гүлбарчынга 500 сомдон акчалай сыйлык жана баалуу белектер тапшырылды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1196
×