Бөлүмдөр
Ишемби, 23-сентябрь
68.46    82.09    1.19    KZT 0.2
акыркы жаңылыктар

бардыгы

Нарын

«Мекендештер»: Байыркы жана азыркы түрк тилин өздөштүргөн Н.Кадырова Түркияда котормочулукту аркалайт (фото)

Turmush -  Кыргызстандын белгилүү акын-жазуучуларынын чыгармаларын түрк тилине которуп, гезит-журналдарга даярдаган Назгүл Кадырова жолдошу менен Түркиянын Анкара шаарында жашайт. Аймактык кабарчы мекендешибиз менен таанышты.

«Тил багытындагы билимимди өркүндөтүп, илимий изилдөөлөр менен жүрөм. Буга чейин Түркиянын улуттук радиосуна 4 киши долбоор сунуштаганбыз. Ал долбоор жагып, аны өзүңөр алып баргыла деп айтышты. Бизге бул абдан сүйүнүчтүү жаңылык болду. Ошентип ал жакта бир жыл бою иштедик. Андан кийин "Он чыгарма 12 тилде" аттуу долбоордун негизинде түрк тилинен кыргыз тилине 40 барактан турган он китепти которуп чыктык. Мындагы котормом жакшы кабыл алынды. Мындан сырткары, биздин акын-жазуучулардын кыска аӊгемелерин түрк тилине которуп жүрөм. Аларды атайын журналдарга жарыялайбыз», - деди ал.

Мекендешибиз Нарын облусунун Нарын районуна караштуу Эчки-Башы айылында 1986-жылы төрөлгөн.

«Апам кыргыз тил мугалими, атам айыл башчысы болуп эмгектенген. Эчки-Башы айылындагы мектебин пти ийгиликтүү аяктап, 2003-жылы Кыргыз-түрк “Манас” университетинин түркология факультетине тапшыргам. Беш жыл бою түрк тилин окудук. Билим алуу менин эӊ башкы максатым болгондуктан университетти да ийгиликтүү аяктадым. Андан соң, 2008-жылы Түркиядагы университетте магистратурада окудук. Кийин Анкара университетинен учурдагы түрк тилдери жана адабияттары боюнча экинчи магистратураны окуп калдым. Азыр ушул окуу жайда докторантурадан окуп жатам. Эки университеттен теӊ кыргыз тили менен алтай тилинин этиштик жана зат атоочтук окшоштуктары боюнча илимий эмгектеримди жаздым», - деди ал.

Назгүл Кадырова Кыргыз-түрк «Манас» университетинен атаандашып окуган тайпалашы менен Түркиядан кыз-жигит болуп сүйлөшүп, экөө ал жактан да бир университетте чогуу окушкан.

«Жолдошум менен 1-курстан бери чогуу окуйм. Бирок ал убакта кыз-жигит болуп сүйлөшчү эмеспиз. Кийин Түркияга мен өткөн окуу жайга ал дагы өтүп кетти. Экөөбүз ал жактан да чогуу окуп, ошондо гана бири-бирибизди жакындан таанып калдык. Кыз-жигит болуп сүйлөшүп, кийин 2010-жылы Кыргызстандан баш коштук. Уулубуз Түркиядагы университетте окуп жүргөндө төрөлдү. Учурда ал 7 жашка чыгып калды», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1862
Комментарии
Обсуждения закрыты
Көп окулду
×
Урматтуу окурман, мекенибиздин аймактагы «турмушунан» кабар алганыңыз үчүн ыраазычылык билдиребиз.
Куш кабарыбыз маалыматтык чаңкооңузду канааттандырса «Нравится» эн белгисин басуу менен сиз үчүн кылган ишибизге дем бериңиз!
Жабуу